నా ఆటో ఇవ్వకపోతే..ఫ్లైఓవర్ నుంచి దూకేస్తా..

ట్రాఫిక్ పోలీసులు తన వాహనం ఇవ్వడం లేదని ఆరోపిస్తూ ఓ వ్యక్తి ఫ్లైఓవర్​పై నుంచి దూకుతానని బెదిరించిన ఘటన శంషాబాద్ ఎయిర్​పోర్టు పోలీస్​స్టేషన్ ముందు చోటుచేసుకుంది.

రంగారెడ్డి జిల్లా శంషాబాద్ ఎయిర్​పోర్ట్ పోలీస్టేషన్ ముందు హైదరాబాద్- బెంగళూరు జాతీయ రహదారిపై నిర్మాణంలో ఉన్న ఫ్లైఓవర్​పై ఓ యువకుడు హల్​చల్ చేశాడు. మద్యం మత్తులో వాహనం నడుపుతూ... గత నెల 28న ట్రాఫిక్ పోలీసులకు నాగరాజు పట్టుబడ్డాడు. తన వాహనాన్ని తనకు ఇవ్వకుండా పోలీస్​స్టేషన్ చుట్టూ తిప్పుతున్నారని ఆరోపిస్తూ ఫ్లైఓవర్​పై నుంచి దూకుతానని బెదిరించాడు.

భారీగా ట్రాఫిక్ జామ్ ఏర్పడగా ఘటనాస్థలికి చేరుకున్న పోలీసులు... నాగరాజుకు సర్దిచెప్పి కిందకు దించారు. ట్రాఫిక్ రూల్స్​కి వ్యతిరేకంగా వాహనాన్ని నడపడమే కాకుండా పోలీసులను బెదిరిస్తున్నాడని అతనిపై కేసు నమోదు చేశారు.

• ఇదీ చదవండి :ఖమ్మంలో కేటీఆర్.. ఐటీ హబ్​ రెండో దశకు అంకురార్పణ