'అధికారంలోకి వచ్చిన తర్వాత తిన్నదంతా కక్కిస్తాం'

తుర్కయంజాల్, పెద్ద అంబర్​పేట్ మున్సిపాలిటీల పరిధిలో భువనగిరి ఎంపీ కోమటిరెడ్డి కాంగ్రెస్ అభ్యర్థులకు మద్దతుగా ప్రచారం చేశారు. కాంగ్రెస్ అధికారంలోకి వచ్చిన తర్వాత తిన్నదంతా కక్కిస్తామని తెరాస ప్రభుత్వంపై విరుచుకుపడ్డారు.

రంగారెడ్డి జిల్లా తుర్కయంజాల్ మున్సిపాలిటీలో కాంగ్రెస్ అభ్యర్థులకు మద్దతుగా భువనగిరి ఎంపీ కోమటిరెడ్డి వెంకటరెడ్డి రోడ్​షో నిర్వహించారు. తెలంగాణ రాష్ట్రాన్ని కేసీఆర్ ప్రభుత్వం అప్పుల పాలు చేసిందన్నారు.

వచ్చే నాలుగేళ్లలో కాంగ్రెస్ అధికారంలోకి వస్తుందని కేసీఆర్, కేటీఆర్​ల​ను దోషులుగా నిలబెడతామని అన్నారు.తుర్కయంజాల్, పెద్ద అంబర్​పేట్ మున్సిపాలిటీల పరిధిలో రోడ్​షో నిర్వహించిన ఆయన కాంగ్రెస్ అభ్యర్థులు, కార్యకర్తల్లో నూతన ఉత్తేజం నింపే ప్రయత్నం చేశారు.

ఇదీ చూడండి : 'ఓటర్లను మంత్రి ఎర్రబెల్లి భయభ్రాంతులకు గురిచేస్తున్నారు'