డివైడర్ స్తంభాన్ని ఢీకొట్టి... గాలిలో ఎగిరి... అక్కడికక్కడే మృతి

అతివేగంతో వచ్చిన ద్విచక్రవాహనం అదుపుతప్పి డివైడర్ మధ్యలో ఏర్పాటు చేసిన స్తంభాన్ని ఢీ కొట్టిగా... ఇద్దరు యువకులు అక్కడికక్కడే మృతి చెందారు. ఈ ఘటన మైలార్​ దేవుల​పల్లి పరిధిలోని దుర్గానగర్​ చౌరస్తా వద్ద చోటు చేసుకుంది.

రంగారెడ్డి జిల్లా మైలార్​ దేవుల​పల్లి పరిధిలోని దుర్గానగర్ చౌరస్తా వద్ద బుధవారం రాత్రి ప్రమాదం జరిగింది. బైక్​ మీద వెళ్తున్న ఇద్దరు యువకులు అతివేగంతో డివైడర్​ను ఢీకొట్టగా... అక్కడికక్కడే వారు మృతి చెందారు.

చాంద్రాయణగుట్ట బండ్లగూడకు చెందిన మొహమ్మద్ సాజిద్, నిజాముద్దీన్... ఆరాంఘర్​ నుంచి బండ్లగూడకు ద్విచక్రవాహనంపై బయలుదేరారు. అతి వేగంగా వచ్చి దుర్గానగర్​ చౌరస్తా వద్ద డివైడర్ మధ్యలో ఉన్న​ స్తంభాన్ని కొట్టారు. ఈ ఘటనలో ఇద్దరు గాలిలో ఎగిరిపడి అక్కడికక్కడే మృతి చెందారు.

ప్రమాదానికి సంబంధించిన దృశ్యాలు సీసీ కెమెరాల్లో నమోదయ్యాయి. పోలీసులు కేసు నమోదు చేసుకుని... పోస్టుమార్టం నిమిత్తం మృతదేహాలను ఉస్మానియాకు తరలించారు.

ఇదీ చూడండి:బాలీవుడ్​కు 'డ్రగ్స్' మరక.. ​గుట్టు బయటపెడతానన్న కంగన