Warning : మూసీ పరీవాహక ప్రాంతాల్లో మొదటి హెచ్చరిక జారీ

08:09 July 19

నిండు కుండలా హిమాయత్‌సాగర్ జలాశయం

ఇటీవల కురిసిన భారీ వర్షాలకు రంగారెడ్డి జిల్లాలోని హిమాయత్​సాగర్ జలాశయానికి వరద పోటెత్తింది. నిండుకుండలా మారిన ఈ జలాశయ గేట్లు ఎత్తేందుకు అధికారులు సిద్ధమవుతున్నారు. గేట్లు ఎత్తితే వరద నీరంతా మూసీలోకి చేరనుంది. ఈ క్రమంలో మూసీ పరివాహక ప్రాంత ప్రజలు అప్రమత్తంగా ఉండాలని అధికారులు హెచ్చరించారు. 

హిమాయత్​సాగర్​లోకి 1,666 క్యూసెక్కుల వరద నీరు చేరుతోంది. సాగర్ గరిష్ఠ నీటిమట్టం 1763.50 అడుగులు కాగా.. హిమాయత్‌సాగర్ ప్రస్తుత నీటిమట్టం 1762.60 అడుగులు ఉంది. ఉస్మాన్‌సాగర్ జలాశయం గరిష్ఠ నీటిమట్టం 1790 అడుగులు ఉండగా.. ప్రస్తుత నీటిమట్టం 1784.60 అడుగులకు చేరింది. 

• ఇదీ చదవండి  :  Underground cables‌: ఇలా చేస్తే ఎంత వర్షం వచ్చినా కరెంట్​ పోదు!