ఘనంగా సర్ధార్ సర్వాయి పాపన్న గౌడ్​ జయంతి వేడుకలు

సర్ధార్​ సర్వాయి పాపనన గౌడ్​ 370 వ జయంతిని... రంగారెడ్డి జిల్లా ఇబ్రహీంపట్నంలో ఘనంగా నిర్వహించారు. ముఖ్యఅతిథిగా భవనగిరి మాజీ ఎంపీ బూర నర్సయ్య గౌడ్​ పాల్గొని పూలమాల వేసి నివాళులు అర్పించారు.

రంగారెడ్డి జిల్లా ఇబ్రహీంపట్నంలో సర్దార్ సర్వాయి పాపన్న గౌడ్ 370వ జయంతి వేడుకలు ఘనంగా నిర్వహించారు. పెద్ద చెరువు కట్టపైనున్న పాపన్న గౌడ్ విగ్రహానికి భువనగిరి మాజీ ఎంపీ బూర నర్సయ్యగౌడ్​, వివిధ పార్టీల నేతలు, గౌడ సంఘం నాయకులు పూలమాల వేసి నివాళులు అర్పించారు.

దళిత బహుజనులు ఏకమై ఉద్యమిస్తే... రాజ్యాధికారం సాధించవచ్చునని భారతదేశ చరిత్రలో 17వ శతాబ్ధంలోనే నిరూపించిన గొప్ప నాయకుడు పాపన్న గౌడ్​ అని నర్సయ్య గౌడ్​ కొనియాడారు. ఈ కార్యక్రమంలో భాజాపా రాష్ట్ర కార్యవర్గ సభ్యులు కొత్త అశోక్​ గౌడ్​, నాయకులు రవీందర్​ గౌడ్, తదితరులు పాల్గొన్నారు.