కర్కస్​ తండా వద్ద రోడ్డు ప్రమాదం.. ఇద్దరు మృతి

ఎదురెదురుగా వస్తున్న రెండు ద్విచక్ర వాహనాలు ఢీ కొని ఇద్దరు మృతి చెందగా.. మరో ముగ్గురికి తీవ్ర గాయాలయ్యాయి. మెరుగైన వైద్యం కోసం క్షతగాత్రులను హైదరాబాద్​కు తరలించారు.

రంగారెడ్డి జిల్లా తలకొండ పల్లి మండలం కర్కస్ తండా వద్ద ఘోర రోడ్డు ప్రమాదం జరిగింది. ఎదురెదురుగా వస్తున్న ద్విచక్ర వాహనాలు ఢీ కొన్నాయి. జంగారెడ్డి పల్లికి చెందిన గుమ్మడయ్య, రాంపూర్​కు చెందిన మహేశ్​లు అనే ఇద్దరు వ్యక్తులు అక్కడికక్కడే మృతి చెందారు. మల్లయ్య, శివ, రాము అనే యువకులు తీవ్రంగా గాయపడ్డారు. క్షతగాత్రులను ఆమనగల్​లోని ప్రభుత్వ ఆసుపత్రికి తరలించి ప్రథమ చికిత్స అందించారు. మెరుగైన వైద్యం కోసం హైద్రాబాద్​కు తరలించారు.

ఘటనాస్థలానికి బంధువులు, స్థానికులు చేరుకుని విలపించడం పలువురిని కంట తడి పెట్టించింది. స్థానికుల సమాచారం మేరకు పోలీసులు ప్రమాద స్థలానికి చేరుకున్నారు. కేసు నమోదు చేసుకుని దర్యాప్తు ప్రారంభించారు.