చటాన్​పల్లి వద్ద రోడ్డు ప్రమాదం: ఆరుగురికి తీవ్రగాయాలు

దిశ నిందితులను ఎన్‌కౌంటర్​ చేసిన ప్రదేశం.. చటాన్‌పల్లి వద్ద రోడ్డు ప్రమాదం జరిగింది. ఆగి ఉన్న లారీని టాటాఏస్​ వాహనం ఢీకొట్టిన ఘటనలో నలుగురు మహిళలు, ఇద్దరు చిన్నారులు తీవ్రంగా గాయపడ్డారు.

రంగారెడ్డి జిల్లా చటాన్​పల్లి వద్ద రోడ్డు ప్రమాదం జరిగింది. ఆగి ఉన్న లారీని టాటాఏస్​ వాహనం ఢీకొట్టిన ఘటనలో నలుగురు మహిళలు, ఇద్దరు చిన్నారులు తీవ్రంగా గాయపడ్డారు. దిశ నిందితుల ఎన్​కౌంటర్​ చేసిన ప్రాంతాన్ని చూసుకుంటూ డ్రైవర్​ వాహనం నడపడం ప్రమాదానికి కారణమైంది. క్షతగాత్రులను వెంటనే షాద్​నగర్ ప్రభుత్వ ఆసుపత్రికి తరలించారు. వారిలో ఒకరి పరిస్థితి విషమంగా ఉంది. ఎన్‌కౌంటర్ జరిగిన ప్రాంతాన్ని చూడటానికి వచ్చినవారు వాహనాలను వంతెనపై నిలిపేయడం వల్ల రోడ్డు ప్రమాదాలు జరుగుతున్నాయి. ఈ విధంగా మూడు రోజుల్లోనే మూడు ప్రమాదాలు జరిగాయి.

ఇదీ చూడండి: కారులో మంటలు.. తప్పిన ప్రాణాపాయం