National Lok Adalat: జాతీయ లోక్ అదాలత్‌ను ప్రజలందరూ సద్వినియోగం చేసుకోవాలని రంగారెడ్డి జిల్లా న్యాయసేవాధికార సంస్థ కార్యదర్శి, సీనియర్ సివిల్ న్యాయమూర్తి శ్రీదేవి అన్నారు. జాతీయ లోక్ అదాలత్‌లో సివిల్, క్రిమినల్ కేసులతో పాటు రాజీకి అవకాశం ఉన్న అన్ని కేసులు పరిష్కారమవుతాయని పేర్కొన్నారు.
రాజీకీ వీలున్న క్రిమినల్ కేసుల్లోని కక్షిదారులు భవిష్యత్తులో ప్రశాంత జీవనం కోసం తమ కేసుల పరిష్కారానికి ముందుకు రావాలన్నారు. రాజీ పడాలనుకునే వారు తమ కేసులున్న న్యాయస్థానాల దృష్టికి తమ న్యాయవాదులు ద్వారా, లేదా నేరుగా తీసుకెళ్లాలన్నారు. పెండింగులో ఉన్న కేసులే కాకుండా ఇతర ప్రీలిటిగేషన్‌ కేసులను కూడా ఈ జాతీయ లోక్ అదాలత్‌లో పరిష్కరించనున్నట్టు తెలిపారు.