Collector visit: హెల్త్ సెంటర్​ను సందర్శించిన కలెక్టర్​

రంగారెడ్డి జిల్లా చేవెళ్లలో కమ్యూనిటి హెల్త్ సెంటర్​ను జిల్లా పాలనాధికారి అమోయ్ కుమార్ సందర్శించారు. కొవిడ్​ బాధితులకు ఐసోలేషన్​ కేంద్రం ఏర్పాటుపై అధికారులు, డాక్టర్లతో చర్చించారు.

రంగారెడ్డి జిల్లా చేవెళ్ల ప్రభుత్వ కమ్యూనిటి హెల్త్ సెంటర్​ను జిల్లా కలెక్టర్​ అమోయ్ కుమార్(Ranga reddy collector) సందర్శించారు. కరోనా ఐసోలేషన్ కేంద్రం ఏర్పాటుపై డాక్టర్ ప్రదీప్​తో చర్చించారు. గర్భిణులకు అక్కడ చికిత్స ఉండడం వల్ల… మరో ప్రాంతంలో కరోనా రోగులకు ఐసోలేషన్ సెంటర్​ ఏర్పాటు చేయాలని అధికారులకు తెలిపారు.

అంతకుముందు షాబాద్ మండలం సర్దార్ నగర్ విపణిలోని ధాన్యం గిడ్డంగులను కలెక్టర్​ పరిశీలించారు. ఈ సందర్భంగా రైతులు తమకు గిన్ని బస్తాలు కావాలని మొరపెట్టుకున్నారు. తక్షణమే ఐదు వేల బస్తాలు అందిస్తామని పాలనాధికారి చెప్పారు. వ్యవసాయ శాఖలో పంట నమోదు చేసుకున్న రైతులందరికీ బస్తాలు అందిస్తామని వెల్లడించారు.

ఇదీ చూడండి:Devarayamjal lands: దేవరయాంజల్ భూముల్లోని వారిని ఖాళీ చేయించొద్దు: హైకోర్టు