రంగారెడ్డి జిల్లా నాగోల్లోని జె కన్వెన్షన్ హాల్లో అనాథల హక్కుల సాధనకై అంతర్జాతీయ సదస్సును నిర్వహించారు. ఈ కార్యక్రమానికి మాజీ ఉప ముఖ్యమంత్రి రాజయ్య, సీపీఐ రాష్ట్ర కార్యదర్శి చాడ వెంకటరెడ్డి, ఎమ్మెల్సీ రామచంద్రరావు, మాజీ ఎమ్మెల్యే మందాడి సత్యనారాయణ, కుడ ఛైర్మన్ మర్రి యాదవరెడ్డి, ప్రత్యేక జడ్జి ప్రసాద్రాజు హాజరయ్యారు. గాదె ఇన్నయ్య అధ్యక్షతన రెండు రోజుల పాటు ఈ సదస్సు జరుగనుంది.
'అనాథలకు ప్రత్యేక రిజర్వేషన్ కల్పించాలి'
పార్టీలకు అతీతంగా ప్రజాప్రతినిధులు, కేంద్ర, రాష్ట్ర ప్రభుత్వాలు అనాథలకు అండగా నిలవాలని వారికి ప్రత్యేక రిజర్వేషన్ కల్పించాలని మాజీ ఉప ముఖ్యమంత్రి రాజయ్య పేర్కొన్నారు. రంగారెడ్డి జిల్లా నాగోల్లో నిర్వహించిన అనాథల హక్కులకై అంతర్జాతీయ సదస్సు కార్యక్రమంలో చాడ వెంకటరెడ్డి, ఎమ్మెల్సీ రామచంద్రరావుతో కలిసి ఆయన ముఖ్య అతిథిగా పాల్గొన్నారు.
'అనాథలకు ప్రత్యేక రిజర్వేషన్ కల్పించాలి'
ఈ సదస్సుకు దేశంలోని వివిధ రాష్ట్రాలతో పాటు.. ఆస్ట్రేలియా, జర్మనీ దేశాల నుంచి ప్రతినిధులు హాజరయ్యారు. అనాథలు అత్యంత దయనీయమైన స్థితిలో బతుకుతున్నారని ఆవేదన వ్యక్తం చేశారు. వీరికి కేంద్ర, రాష్ట్ర ప్రభుత్వాలు పార్టీలకు అతీతంగా అండగా ఉండాలని.. అనాథలకు ప్రత్యేక రిజర్వేషన్ కల్పించాలని కోరారు.
'అనాథలకు ప్రత్యేక రిజర్వేషన్ కల్పించాలి'