ఆర్​బీనగర్​లో నవవధువు ఆత్మహత్య

ఓ నవవధువు ఆత్మహత్యకు పాల్పడిన ఘటన రంగారెడ్డి జిల్లాలో చోటుచేసుకుంది. కేసు నమోదు చేసుకున్న పోలీసులు దర్యాప్తు చేస్తున్నారు.

రంగారెడ్డి జిల్లా శంషాబాద్ మండల కేంద్రంలోని ఆర్​బీ నగర్​లో దారుణం చోటుచేసుకుంది. ఇంట్లోని ఫ్యానుకు ఉరివేసుకుని ఓ నవవధువు ఆత్మహత్యకు పాల్పడింది. ఖమ్మం జిల్లాకు చెందిన రాజేశ్వరికి అనంతపురం జిల్లాకు చెందిన తిలక్​తో ఇటీవల వివాహం జరిగింది. 2 నెలల క్రితం పట్టణానికి వచ్చి... శంషాబాద్​ ఆర్​బీనగర్​లోని ఓ ఇంట్లో అద్దెకు ఉంటున్నారు.

ఇల్లు ఖాళీ చేస్తామని చెప్పడంతో యజమాని కృష్ణ ఉదయం ఇంటికి వెళ్లాడు. తలుపు తీయకపోవడం వల్ల కిటికీలోంచి చూడగా రాజేశ్వరి ఫ్యాన్​కు ఉరివేసుకుని కనిపించింది. వెంటనే పోలీసులకు సమాచారం అందించారు. ఘటనా స్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. భర్త తిలక్​ పరారీలో ఉన్నట్లు తెెలిపారు.

ఇవీ చూడండి: సాయం చేయండి.. పసివాడికి ప్రాణం పోయండి