అది నిజంగా పోలీస్​ స్టేషనే..!

పోలీస్ స్టేషన్ అంటే  ఎప్పుడు విధి నిర్వహణలో సతమతమయ్యే పోలీసులు, సమస్యల పరిష్కారం కోసం వచ్చిన బాధితులను చూస్తూ ఉంటాం. కానీ చేవెళ్ల పోలీస్​ స్టేషన్​లో పరిస్థితి మారింది. అక్కడి వాతావరణం చూస్తే  ఇది పోలీస్ స్టేషనా.. లేక విశ్రాంతి తీసుకునే ఆశ్రమమా.. అనే విధంగా స్టేషన్​ మారిపోయింది.

పోలీస్​ స్టేషన్​ అంటే బాధితుల హడావిడి, సతమతమయ్యే పోలీసులను చూస్తుంటాం. కానీ చేవెళ్లలో వాతావరణం వేరు. సిబ్బంది విధి నిర్వహణలో ఒత్తిడిని జయించేందుకు చేవెళ్ల ఎస్ఐ రేణుక రెడ్డి స్టేషన్​లోనే ధ్యానం కోసం, విశ్రాంతి తీసుకునేందుకు, ప్రశాంతంగా భోజనం చేసేందుకు గదులను ఏర్పాటు చేసింది. సమస్యలతో పోలీస్ స్టేషన్​కు వచ్చిన బాధితులు సేదతీరేందుకు చెట్ల కింద బెంచీలు ఏర్పాటు చేశారు. పూల మొక్కలు, గడ్డి, సువాసన వెదజల్లే మొక్కలను నాటించారు. సాయంత్రం సిబ్బంది వాలీబాల్, బ్యాడ్మింటన్​ ఆడుకునేలా మైదానం ఏర్పాటు చేశారు. స్టేషన్​కు వచ్చిన నేరస్తులు మారేందుకు వివేకానందుని సూక్తులను ఏర్పాటు చేశారు. మహిళలు, చిన్న పిల్లలు, పెద్దలకు అవసరమైన చిత్రపటాలను అందుబాటులో ఉంచారు. వచ్చే బాధితుల కోసం రిసెప్షన్​లో దినపత్రికలను, మినరల్ వాటర్ ఏర్పాటు చేశారు. వచ్చిన వారి సమస్యలను తీర్చడమే కాకుండా వారికి మంచి వాతావరణాన్ని అందిస్తున్నారు.

ఇవీ చూడండి: భారీ ఎజెండాతో నేడు మంత్రిమండలి భేటీ