'అవసరమైతే నిధుల కోసం సీఎంతో మాట్లాడతా...'

రంగారెడ్డి జిల్లాలోని రాజేంద్రనగర్ నియోజకవర్గ పరిధి మైలార్ దేవ్ పల్లిలో ఎమ్మెల్యే ప్రకాశ్ గౌడ్ పర్యటించారు. కాలనీలను సందర్శిస్తూ మురుగు నీటి సమస్యను పరిష్కరిస్తానని హామీ ఇచ్చారు.

ప్రజల సమస్యలు నెరవేర్చడమే తన ప్రధాన లక్ష్యమని రాజేంద్రనగర్ ఎమ్మెల్యే ప్రకాశ్ గౌడ్ అన్నారు. నియోజకవర్గంలోని మైలార్ దేవ్​పల్లి దుర్గా నగర్ కాలనీలో అధికారులతో కలిసి ఆయన పర్యటించారు. సమస్యలు అడిగి తెలుసుకున్నారు.

అవసరమైతే నిధుల కోసం సీఎం కేసీఆర్​తో మాట్లాడి మంజూరు చేయిస్తానని ఎమ్మెల్యే హామీ ఇచ్చారు. దుర్గా నగర్​లో ప్రధానంగా తిష్ఠవేసిన మురుగు నీటి సమస్యను పరిష్కరిస్తానని స్పష్టం చేశారు.

ఇవీ చూడండి : నిర్లక్ష్యం చేస్తే హైదరాబాద్​ కాలుష్యకాసారమవుతుంది: సీఎం