'వారందరికీ మా హృదయపూర్వక కృతజ్ఞతలు'

గతంలో కంటే ఈ ఏడాది పంట దిగుబడులు అధిక స్థాయిలో వచ్చాయని మంత్రి సబితా ఇంద్రారెడ్డి వ్యాఖ్యానించారు. చేవేళ్లలోని ఎమ్మెల్యే క్యాంపు కార్యాలయంలో సమీక్ష నిర్వహించారు.

రంగారెడ్డి జిల్లా చేవెళ్లలోని ఎమ్మెల్యే క్యాంపు కార్యాలయంలో ఎమ్మెల్యే కాల యాదయ్య, సంయుక్త కలెక్టర్ హరీష్​తో కలిసి... వివిధ శాఖల అధికారులతో మంత్రి సబితా ఇంద్రారెడ్డి సమీక్ష నిర్వహించారు. కరోనా పట్ల కేంద్ర, రాష్ట్ర ప్రభుత్వాలు తీసుకునే చర్యలు ప్రపంచానికే ఆదర్శంగా నిలిచాయన్నారు. వైద్యులకు, పోలీసులకు, పారిశుద్ధ్య కార్మికులకు ఆమె కృతజ్ఞతలు తెలిపారు.

గతంలో కంటే ఈ ఏడాది పంట దిగుబడులు బాగా పెరిగాయని... సాగునీటి ప్రాజెక్టులు, కేసీఆర్ ప్రవేశ పెట్టిన సంక్షేమ పథకాల వల్లే ఇది సాధ్యమైందని మంత్రి వ్యాఖ్యానించారు.

ఇవీచూడండి:ఖమ్మం జిల్లాలో రెండో కరోనా పాజిటివ్ కేసు