రంగారెడ్డి జిల్లా మహేశ్వరం నియోజకవర్గం పరిధిలోని పలు ప్రాంతాల్లో మంత్రి సబితా ఇంద్రారెడ్డి(Minister Sabitha) పర్యటించారు. ఆర్కే పురంలో ఏర్పాటు చేసిన పట్టణ ప్రాథమిక ఆరోగ్య కేంద్రాన్ని(Urban Primary Health Center) ఆమె ప్రారంభించారు. అనంతరం సీసీ రోడ్ల నిర్మాణానికి శంకుస్థాపన చేశారు. పేద, మధ్య తరగతి కుటుంబాలకు మంచి వైద్యం అందించాలనే సంకల్పంతోనే పట్టణ ప్రాథమిక ఆరోగ్య కేంద్రాలను ఏర్పాటు చేస్తున్నట్లు మంత్రి వివరించారు.
పేదలకు మెరుగైన వైద్యాన్ని అందుబాటులోకి తీసుకురావాలనే ఉద్దేశంతో సీఎం(CM Kcr) సూపర్‌ స్పెషాలిటీ ఆసుపత్రుల(Super specialty hospitals) నిర్మాణానికి పూనుకున్నారు. సౌకర్యాన్ని ప్రజలంతా వినియోగించుకోవాలి. రాష్ట్రంలోని పలు నగరాల్లో మరిన్ని ఆసుపత్రులను అందుబాటులోకి తీసుకువస్తాం. రాష్ట్రంలో ఫీవర్ సర్వే(Fever Survey)తో కరోనాను కట్టడి చేయగలిగాం. తెలంగాణను ఆదర్శంగా తీసుకున్న పలు రాష్ట్రాలు.. ఆయా రాష్ట్రల్లో ఫీవర్ సర్వేను నిర్వహిస్తున్నాయి.