సాగు చట్టాలు రద్దు చేయాలని డిమాండ్ చేస్తూ దిల్లీ వేదికగా రైతు సంఘాల ఆందోళనల నేపథ్యంలో సుప్రీంకోర్టు తీర్పు దేశ రైతులు సాధించిన పాక్షిక విజయమని వ్యవసాయ శాఖ మంత్రి సింగిరెడ్డి నిరంజన్రెడ్డి అన్నారు. కేంద్ర వ్యవసాయ చట్టాలపై సుప్రీంకోర్టు స్టే ఇవ్వడం పట్ల మంత్రి స్పందించారు. రైతుల ఆందోళనలు గమనించిన సుప్రీంకోర్టు... కేంద్రాన్ని రైతుల ఆందోళనలకు పరిష్కారం చూపాలని ఆదేశించిందని తెలిపారు.
దేశ రైతులు సాధించిన పాక్షిక విజయం: నిరంజన్రెడ్డి
పరిష్కారం మీరు చూపుతారా? మమ్మల్ని జోక్యం చేసుకోమంటారా? అని ప్రశ్నించిందని గుర్తు చేశారు. కేంద్రం తీరు పరిశీలించిన సుప్రీం... కేంద్ర వ్యవసాయ చట్టాలపై స్టే విధించినందుకు ధన్యవాదాలు తెలియజేశారు. వ్యవసాయ చట్టాలపై సమీక్షకు నిపుణుల కమిటీ వేయడం ఆహ్వానించదగ్గ తరుణమని సంతోషం వ్యక్తం చేశారు. వ్యవసాయం అనేది రాష్ట్రాలకు సంబంధించిన అంశమని స్పష్టం చేశారు.