అనాథలకు సాయం చేసి మానవత్వం చాటుకున్న మంత్రి మల్లారెడ్డి

రంగారెడ్డి జిల్లా నూతనకల్​ గ్రామానికి చెందిన ఇద్దరు బాలికలు.. తల్లదండ్రులను కోల్పోయి కష్టాల్లో ఉండగా.. వారికి మంత్రి మల్లారెడ్డి ఆర్థిక సహాయం చేశారు. వారికి అన్ని విధాలా సహాయపడతామని మంత్రి భరోసా ఇచ్చారు.

రంగారెడ్డి జిల్లా నూతనకల్​ గ్రామానికి చెందిన కురుమస్వామి, భార్య సరిత, కుమారుడు సాయిచరణ్​.. ఇటీవల జరిగిన రోడ్డు ప్రమాదంలో మరణించారు. ఈ నేపథ్యంలో వారికున్న ఇద్దరు కుమార్తెలు.. పదో తరగతి చదువుతున్న శ్రీలేఖ, ఏడో తరగతి చదువుతున్న రుచిత అనాథలుగా మిగిలిపోయారు. వీళ్లకి ఉన్న నాయినమ్మకు పక్షవాతం రాగా.. కురుమస్వామికి ఉన్న భూమి కాగితాలు పెట్టి రుణం తీసుకున్నారు. ఈ సమయంలో ఇద్దరు పిల్లలు బతకడమే కష్టంగా మారగా.. వారికి ఈ అప్పు ఓ గుదిబండగా మారింది.

శ్రీలేఖ, రుచిత విషయం తెలుసుకున్న పీఏసీఎస్ ఛైర్మన్​ సురేష్​రెడ్డి.. వీరి గురించి మంత్రి మల్లారెడ్డి దృష్టికి తీసుకెళ్లారు. సానుకూలంగా స్పందించిన మంత్రి వారు అప్పు మొత్తాన్ని చెల్లించి.. బాధిత రైతు కుటుంబాన్ని ఇంటికి వెళ్లారు. వారికి పాస్​బుక్​లు, డాక్యుమెంట్లను మంత్రి అందజేశారు. భవిష్యత్తుతో వారికి ఎలాంటి కష్టం రాకుండా చూసుకుంటానని మంత్రి మల్లారెడ్డి హామీ ఇచ్చారు.

ఇదీ చదవండిఃరాష్ట్రంలో రైతు వేదికలే దేవాలయాలు: మంత్రి మల్లారెడ్డి