ముఖ్యమంత్రి పుట్టిన రోజున మొక్కలు నాటిన ప్రముఖులు

సీఎం కేసీఆర్ జన్మదినాన్ని వేడుకలను ఘనంగా నిర్వహిస్తున్నారు. రంగారెడ్డి జిల్లా గచ్చిబౌలి పాలపిట్ట పార్కులో మంత్రి ఇంద్రకరణ్​రెడ్డి అధికారులతో కలిసి మొక్కలు నాటగా... గండిపేట జలమండలి పార్క్​ ఆవరణలో ఎండీ దానకిశోర్ ఆధ్వర్యంలో​ 666 మొక్కలు నాటారు.

ముఖ్యమంత్రి చంద్రశేఖర్​రావు 66వ జన్మదిన వేడుకలను రంగారెడ్డి జిల్లావ్యాప్తంగా ఘనంగా జరుపుకుంటున్నారు. గచ్చిబౌలి పాలపిట్ట పార్కులో కెనరా బ్యాంకు ఆధ్వర్యంలో అటవీ, పర్యావరణ శాఖ మంత్రి ఇంద్రకరణ్​రెడ్డి మొక్కలు నాటారు. ప్రకృతి ప్రేమికుడైన సీఎం కేసీఆర్​ పుట్టినరోజును పురస్కరించుకుని ప్రతి ఒక్కరు మొక్కలు నాటాలని మంత్రి సూచించారు.

నగర శివారులో గండిపేట జలమండలి పార్క్ ఆవరణలో సంస్థ ఎండీ దానకిశోర్​ ఆధ్వర్యంలో 666 మొక్కలు నాటారు. కార్యక్రమంలో జలమండలి ఈడీ, డైరెక్టర్లతో పాటు సిబ్బంది పాల్గొన్నారు. హరిత తెలంగాణలో భాగంగా అందరూ మొక్కలు నాటాలని దానకిశోర్​ తెలిపారు.

ఇవీ చూడండి:సీఎం కేసీఆర్​కు ఉత్తమ్​ శుభాకాంక్షలు