'పిల్లలకు అన్నిరంగాల్లో అవగాహన అవసరం'

పోటీ ప్రపంచంలో అన్నిరంగాలపై విద్యార్థులకు అవగాహన అవసరమని సీబీఐ మాజీ జాయింట్​ డైరెక్టర్​ వీవీ లక్ష్మీనారాయణ అన్నారు. రంగారెడ్డి జిల్లా మన్నెగూడలో లోటస్​లాప్​ ద్విదశ వార్షికోత్స వేడుకల్లో ఆయన మాట్లాడారు.

రంగారెడ్డి జిల్లా తుర్కయంజాల్ మున్సిపాలిటీ పరిధిలోని మన్నెగూడలో లోటస్​లాప్ పాఠశాలల 20వ వార్షికోత్సవ వేడుకలు ఘనంగా జరిగాయి. ఈ కార్యక్రమానికి ముఖ్యఅతిథిగా సీబీఐ మాజీ జాయింట్ డైరెక్టర్ వీవీ లక్ష్మీనారాయణ హాజరయ్యారు.

పోటీ ప్రపంచంలో విద్యార్థులకు చదువుతోపాటు వివిధ అంశాలపై అవగాహన అవసరమని, అన్ని విషయాలపై విద్యార్థులకు అవగాహన కల్పించడానికి పాఠశాలలు కృషి చేయాలన్నారు. లోటస్ లాప్​ విద్యాసంస్థల యాజమాన్యాన్ని అభినందించారు. ఈ సందర్భంగా విద్యార్థులు చేసిన ప్లాస్టిక్ నియంత్రణ ప్రతిజ్ఞ, స్వామి వివేకానంద నాటిక, వివిధ పాటలకు చేసిన నృత్యాలు చూపరులను ఆకట్టుకున్నాయి.

ఇదీ చూడండి : 'ఆమె ఇద్దరితో ప్రేమాయణం నడిపింది'