'లారీ రుణాల వడ్డీలను ప్రభుత్వమే భరించాలి'

లాక్​డౌన్​ సమయంలో లారీ కిస్తికి సంబంధించి వడ్డీని ప్రభుత్వమే భరించాలని లారీ యజమానుల సంఘం విజ్ఞప్తి చేసింది. రంగారెడ్డి జిల్లా వనస్థలిపురం ఆటోనగర్​లో సుమారు 600 మంది రవాణా రంగం, పారిశుద్ధ్య కార్మికులకు నిత్యవసర సరకులను అందించారు.

లాక్​డౌన్​ నేపథ్యంలో లారీలు అడ్డాలకే పరిమితమయ్యాయని లారీ యజమానుల సంఘం రాష్ట్ర అధ్యక్షుడు నందారెడ్డి తెలిపారు. ఈ సమయంలో లారీ కిస్తికి సంబంధించి వడ్డీని ప్రభుత్వమే భరించాలని డిమాండ్​ చేశారు. మారిటోరియం వేళ వడ్డీని ఆర్బీఐ లేక ప్రభుత్వమే భరించాలని సంఘం రాష్ట్ర ఉపాధ్యక్షుడు రాంరెడ్డి విజ్ఞప్తి చేశారు.

రంగారెడ్డి జిల్లా వనస్థలిపురం ఆటోనగర్​లోని లారీల అడ్డా వద్ద తెలంగాణ స్టేట్ లారీ యజమానులు సంక్షేమ సంఘం ఆధ్వర్యంలో నిత్యవసర సరకులు పంపిణీ చేశారు. సుమారు 600 మంది రవాణా రంగ కార్మికులు, పారిశుద్ధ్య కార్మికులకు తొమ్మిది రకాల సరకులను అందించారు.

ఇవీచూడండి:వైద్యులు ప్రాణాలను పణంగా పెడుతున్నారు: ఈటల