లింగోజిగూడలో మధ్యాహ్నం 1 వరకు 18.26 శాతం ఓటింగ్

లింగోజిగూడ డివిజన్ ఉపఎన్నిక ఓటింగ్ ప్రశాంతంగా కొనసాగుతోంది. కొవిడ్ నిబంధనల మేరకు ప్రజలు ఓటు హక్కు వినియోగించుకుంటున్నారు. లింగోజిగూడ డివిజన్ ఉపఎన్నికకు తెరాస దూరంగా ఉంది. మధ్యాహ్నం 1 వరకు 18.26 శాతం ఓటింగ్ నమోదైంది.

ఎల్బీనగర్ పరిధిలోని లింగోజిగూడ డివిజన్​లో ఉప ఎన్నిక ఓటింగ్​ ప్రశాంతంగా జరుగుతోంది. డివిజన్‌లో 57 కేంద్రాల్లో పోలింగ్​ నిర్వహిస్తున్నారు. మొత్తం 47,379 మంది ఓటర్లు తమ ఓటు హక్కును వినియోగించుకోనున్నారు. మధ్యాహ్నం 1 వరకు 18.26 శాతం పోలింగ్ నమోదైంది.

ఓటర్లకు ఎలాంటి ఇబ్బందులు తలెత్తకుండా ఎన్నికల అధికారులు... కొవిడ్ నిబంధనల మేరకు ఏర్పాట్లు చేశారు. ఉదయం 7 గంటలకు ప్రారంభమైన పోలింగ్​... సాయంత్రం 5 వరకు కొనసాగనుంది. భాజపా అభ్యర్థి ఆకుల రమేష్ గౌడ్ ఆకస్మిక మరణం కారణంగా జరుగుతున్న ఉప ఎన్నికలకు అధికారులు, పోలీసులు అన్ని రకాల ఏర్పాట్లు చేశారు. లింగోజిగూడ డివిజన్ ఉపఎన్నికకు తెరాస పోటీ నుంచి తప్పుకుంది.

ఇదీ చూడండి:ప్రశాంతంగా కొనసాగుతోన్న మినీ పుర ఎన్నికల ఓటింగ్