జంతు కళేబరాల గోడౌన్ల తనిఖీల్లో విస్తుపోయే నిజాలు

జంతు కళేబరాల పరిశ్రమలపై జల్​పల్లి పురపాలక కమిషనర్​ ఆకస్మికంగా తనిఖీలు నిర్వహించారు. ఎలాంటి పత్రాలు లేకుండా నడుపుతున్న పరిశ్రమలను ఆయన సీజ్​ చేశారు.

జంతు కళేబరాల పరిశ్రమలపై జల్​పల్లి పురపాలక కమిషనర్​ జీపీ కుమార్​ ఉక్కుపాదం మోపారు. సరైన అనుమతులు, ప్రమాణాలు పాటించకుండా నడుస్తున్న పరిశ్రమలపై దాడులు నిర్వహించారు. స్థానిక షాజహాన్​ కాలనీలో ఎలాంటి అనుమతులు లేకుండా పరిశ్రమలు నడుపుతున్నట్లు గుర్తించారు.

ఈ దాడుల్లో విస్తుపోయే నిజాలు వెలుగుచూశాయి. పశువుల అవయవాలను ఎండబెట్టి, కోల్డ్​ స్టోరేజ్​లో నిల్వ చేస్తున్నారు. మాంసపు నిల్వలపై ప్యాకింగ్​ తేదీలు నెల ముందుగానే ముద్రించి ప్రజల జీవితాలతో చెలగాటమాడుతున్నారు. తనిఖీల్లో సరైన ప్రమాణాలు పాటించని ఐదు గోడౌన్లపై చర్యలు తీసుకున్నట్లు కమిషనర్​ వెల్లడించారు.

ఇదీ చూడండి:కోర్టు కేసుల పేరుతో టీఎస్​పీఎస్సీ కాలక్షేపం : ఆర్​.కృష్ణయ్య