జల్​పల్లి కో ఆప్షన్​ పదవికై తెరాస రెబల్​ హెచ్చరిక​

రంగారెడ్డి జిల్లా జల్​పల్లి మున్సిపాలిటీలో కో ఆప్షన్ పదవి ఇవ్వకపోతే పరిణామాలు వేరే ఉంటాయని తెరాస రెబల్​ అభ్యర్థి జహంగీర్​ హెచ్చరించారు. కాగా ఈ రోజు ఆఖరి తేదీ కావడం వల్ల సాయంత్రం వరకు వచ్చిన నామినేషన్లను పరిశీలించి స్క్రుటినీ చేస్తామని మున్సిపల్​ కమిషనర్​ అహ్మద్​ సఫీఉల్లాహ్​ తెలిపారు.​

రంగారెడ్డి జిల్లా జల్​పల్లి మున్సిపల్ కార్యాలయంలో తెరాస, ఎంఐఎం, తెరాస రెబల్, స్వతంత్ర అభ్యర్థులు కో ఆప్షన్ మెంబర్ కోసం తమ నామినేషన్లు వేశారు. మధ్యాహ్నం వరకు 7 నామినేషన్లు వచ్చాయి. ఈ రోజు నామినేషన్ ఆఖరి తేదీ కావడం వల్ల మున్సిపల్ కార్యాలయం వివిధ పార్టీ నేతలతో సందడిగా మారింది.

తాను జల్​పల్లి మున్సిపాలిటీలో అందరికంటే సీనియర్ నేతనని తనకి కౌన్సిలర్ ఎన్నికల్లో అవకాశం ఇవ్వలేదని.. ఇప్పుడు కో-ఆప్షన్ ఇవ్వకపోతే పరిమాణాలు వేరుగా ఉంటాయని తెరాస రెబల్​ షేక్​ జహంగీర్​ హెచ్చరించారు. అతనికి జల్​పల్లి తెరాస కౌన్సిలర్ మద్దతు తెలిపారు. నామినేషన్లను పరిశీలించి వాటిని మూడు రోజుల్లో స్ర్కుటిని చేస్తామని మున్సిపల్ కమిషనర్ అహ్మద్ సఫీఉల్లాహ్ తెలిపారు.

ఇదీ చూడండి:ఇంకెంత కాలం ఇంట్లో ఉండాలని పేచీ పెడుతున్నాడు?