వీడియో కాన్ఫరెన్స్​ ద్వారా మున్సిపాలిటీ సమావేశం

రంగారెడ్డి జిల్లాలో కరోనా వైరస్​ వ్యాప్తి అత్యధికంగా ఉండటం వల్ల జల్​పల్లి మున్సిపాలిటీ సమావేశాన్ని ఛైర్మన్​ అబ్దుల్లాహ్ బిన్ అహ్మద్ వీడియో కాన్ఫరెన్స్​ ద్వారా నిర్వహించారు. పురపాలక సంఘంలో చేపట్టాల్సిన అభివృద్ధి కార్యక్రమాలను చర్చించి ఆమోదం తెలిపారు.

రంగారెడ్డి జిల్లా జల్​పల్లి మున్సిపల్​ సమావేశం వీడియో కాన్ఫరెన్స్​ ద్వారా జరిగింది. మున్సిపాలిటీలో చేపట్టాల్సిన అభివృద్ధి పనులకు సంబంధించి కౌన్సిల్ సమావేశంలో చర్చ నిర్వహించారు. 14, 15వ ఆర్థికసంఘం, ఎల్​ఆర్​ఎస్​, పట్టణ ప్రగతి, జనరల్​ ఫండ్​ మొత్తం కలుపుకొని దాదాపు రూ.4 కోట్ల 15లక్షల నిధులు రానున్నట్లు పేర్కొన్నారు.

ఈ నిధులతో మున్సిపాలిటీలో చేపట్టాల్సిన పనులపై ఏజెండాను రూపొందించి ఆమోదం తెలిపారు. ఇందులో 10 శాతం హరితహారం కోసం కేటాయించినట్లు వెల్లడించారు. గతంలో చేపట్టాల్సిన పనులను జనరల్ ఫండ్ రాగానే పూర్తి చేస్తామని మున్సిపల్ ఛైర్మన్ అబ్దుల్లాహ్ బిన్ అహ్మద్ తెలిపారు.