శంషాబాద్​ మున్సిపల్​ ఎన్నికలపై హైకోర్టు స్టే

శంషాబాద్ మున్సిపాలిటీ ఎన్నికల ప్రక్రియపై హైకోర్టు స్టే విధించింది. మున్సిపాల్టీలో ఓటరు జాబితా సవరణ, వార్డుల విభజన ప్రక్రియ సరిగ్గా జరిగేవరకు ఎన్నికలు నిర్వహించవద్దని ఆదేశించింది.

శంషాబాద్​ మున్సిపాలిటీలో ఓటరు జాబితా సవరణ, వార్డుల విభజన ప్రక్రియ చట్ట ప్రకారం జరగలేదని స్థానికులు కోడె సిద్ధులు, శ్రీనివాస్, గోపాల్ యాదవ్ హైకోర్టులో పిటిషన్ దాఖలు చేశారు. అభ్యంతరాలను పరిగణనలోకి తీసుకోలేదని పిటిషన్​లో పేర్కొన్నారు. ఈ వ్యాజ్యంపై విచారణ జరిపిన హైకోర్టు చట్ట ప్రకారం ఓటరు జాబితా సవరణ, వార్డుల విభజన సరిగ్గా జరిగే వరకూ ఎన్నికలు నిర్వహించవద్దని ఆదేశించింది.

• ఇదీ చూడండి : ప్రపంచ కప్​ ఓటమిపై బీసీసీఐ పోస్ట్​మార్టమ్​