ప్రైవేట్ క్లినిక్​లో యువతికి అబార్షన్... పరారీలో వైద్యుడు

రంగారెడ్డి జిల్లా షాద్​నగర్​లో ఓ ప్రైవేటు క్లినిక్​లో పెళ్లికాని యువతికి అబార్షన్​ చేశారు. పూర్తిస్థాయి విచారణ చేసి.. వైద్యునిపై చట్టపరమైన చర్యలు తీసుకుంటామని జిల్లా ఉప వైద్యాధికారి తెలిపారు.​

రంగారెడ్డి జిల్లా షాద్​నగర్​ పట్టణంలోని ఓ ప్రైవేట్​ క్లినిక్​లో కేశంపేటకు చెందిన 18 ఏళ్ల యువతికి నిబంధనలకు విరుద్ధంగా ఓ వైద్యుడు అబార్షన్​ చేశారు. పెళ్లి కాని యువతికి ప్రియుడే అబార్షన్ ​చేయించినట్టు సమాచారం. విషయం తెలుసుకున్న జిల్లా ఉప వైద్యాధికారి చందూలాల్​ క్లినిక్​ను తనిఖీచేశారు. పూర్తిస్థాయి విచారణ చేసి క్లినిక్​ను సీజ్​ చేయనున్నట్లు తెలిపారు. వైద్యుడు, యువతి పరారీలో ఉన్నారని... వైద్యునిపై చట్ట పరమైన చర్యలు తీసుకుంటామని వెల్లడించారు.

ఇవీ చూడండి: రిషితను సింధుశర్మకు అప్పగించాలని హైకోర్టు ఆదేశం