చివరి నిమిషంలో ఆదిభట్ల పురపాలిక తెరాస కైవసం

రంగారెడ్డి జిల్లా ఆదిభట్ల మున్సిపాలిటీని తెరాస కైవసం చేసుకుంది. చివరి నిమిషంలో అనూహ్య పరిణామాలు చోటు చేసుకోవడం వల్ల... కాంగ్రెస్​ తరఫున గెలిచిన హారిక తెరాసలో చేరారు. ఆదిభట్ల పురపాలికకు ఛైర్​పర్సన్​గా ఎన్నికయ్యారు.

రంగారెడ్డి జిల్లా ఆదిభట్ల పురపాలక సంఘానికి ఛైరపర్సన్​గా హారిక ఎంపికయ్యారు. 14వ వార్డు నుంచి గెలిచిన హస్తం సభ్యురాలు హారికను తెరాసలో చేర్చుకోవడంపై కాంగ్రెస్‌ తీవ్ర అభ్యంతరం వ్యక్తం చేసింది. ఛైర్మన్‌ గిరి దక్కించుకునేందుకు తెరాస అనైతికంగా వ్యవహరిస్తోందంటూ ఎంపీ కోమటిరెడ్డి వెంకట్​రెడ్డి విమర్శించారు.

మున్సిపల్‌ సమావేశమందిరంలోకి వెళ్లిన ఎంపీని పోలీసులు బలవంతంగా బయటకు నెట్టివేశారు. ఈ క్రమంలో ఇబ్రహీంపట్నం ఎమ్మెల్యే మంచిరెడ్డి కిషన్‌ రెడ్డి ఎంపీ కోమటిరెడ్డి వెంకట్​రెడ్డి మధ్య వాగ్వాదం, తోపులాట చోటుచేసుకుంది.