రేపే టీకా: వ్యాక్సినేషన్​కు సర్వం సిద్ధం

ప్రజలు ఎంతగానో ఎదురుచూస్తోన్న సమయం రానే వచ్చింది. కరోనాను అంతమొందించే టీకా వ్యాక్సినేషన్​ రేపే ప్రారంభం కానుంది. ఈ తరుణంలో రంగారెడ్డి జిల్లాలో ఇప్పటికే అన్ని ఏర్పాట్లు పూర్తి చేశారు. జిల్లా వ్యాప్తంగా తొమ్మిది కేంద్రాల్లో కొవిడ్​ నియంత్రణ టీకాకు ఏర్పాట్లు సిద్ధం చేశారు.

కరోనా వైరస్ వ్యాప్తి నిరోధానికి రేపటి నుంచి దేశవ్యాప్తంగా టీకా పంపిణీ చేయనున్న నేపథ్యంలో రంగారెడ్డి జిల్లాలో ఏర్పాట్లు పూర్తయ్యాయి. జిల్లా వైద్యఆరోగ్య శాఖ ఆధ్వర్యంలో తొమ్మిది కేంద్రాల్లో కరోనా వ్యాక్సినేషన్​కు సర్వం సిద్ధం చేశారు.

ఆమనగల్, హఫీజ్​పేట, ఇబ్రహీంపట్నం, కొండాపూర్​తోపాటు మైలార్ దేవరంపల్లి, మొయినాబాద్, నార్సింగి, షాద్ నగర్, వనస్థలిపురం ఏరియా ఆస్పత్రులు, ప్రాథమిక ఆరోగ్య కేంద్రాల్లో టీకా వేయనున్నారు. వికారాబాద్ జిల్లాలోనూ మూడు కేంద్రాల్లో టీకా పంపిణీ జరుగనుంది. వికారాబాద్​లో సివిల్ ఆస్పత్రి, పరిగిలో ఏరియా ఆస్పత్రి, తాండూరు జిల్లా ఆస్పత్రిలో కొవిడ్​ నియంత్రణ వ్యాక్సిన్ వేయనున్నారు.

ఇదీ చూడండి :'వ్యాక్సినేషన్​కు సర్వం సిద్ధం.. కానీ వారికి ఇవ్వట్లేదు'