వృద్ధురాలికి కానిస్టేబుల్ ప్లాస్మాదానం

కరోనా సోకిన బాధితులకు రాచకొండ పోలీసులు అండగా నిలుస్తున్నారు. వారికి మనోధైర్యాన్నిస్తూ... ఆపత్కాలంలో ప్లాస్మాదానం చేయడానికి ముందుకొస్తున్నారు.

ప్లాస్మాదానం చేసి ఓ వృద్ధురాలి ప్రాణం నిలబెట్టారు కానిస్టేబుల్. హైదరాబాద్ మలక్​పేట్ యశోద ఆసుపత్రిలో చికిత్స పొందుతున్న 75 సంవత్సరాల శ్రీదేవమ్మకు కానిస్టేబుల్ సురేందర్ ప్లాస్మా దానం చేశారు.

రాచకొండ కమిషనరేట్ పరిధిలోని సరూర్​నగర్ పీఎస్​లో కానిస్టేబుల్​గా విధులు నిర్వహిస్తున్న సురేందర్ ప్లాస్మా దానం చేసి ప్రాణాన్ని కాపాడారు. సురేందర్​కు పేషెంట్ తరఫు బంధువులు ధన్యవాదాలు తెలిపారు.

• ఇదీ చూడండి :భయం భయం: హడలెత్తిస్తున్న చిరుతల సంచారం