నెలరోజులుగా ముప్పుతిప్పలు పెడుతోన్న చిరుత

రంగారెడ్డి జిల్లా కడ్తాల్​ మండలంలో ఓ చిరుతపులి ప్రజలకు కంటిమీద కునుకులేకుండా చేస్తోంది. రాత్రి పూట గ్రామాల్లో సంచరిస్తూ పశువులపై దాడి చేస్తోంది.

రంగారెడ్డి జిల్లాలోని పలు గ్రామాల్లో గత నెల రోజులుగా చిరుతపులి సంచరిస్తోంది. ఎక్వాయిపల్లి, గోవిందాయిపల్లి, కడ్తాల్ పరిసరాల్లో సంచరిస్తున్నట్లు గుర్తించారు. రాత్రి పూట మేకలు, లేగదూడలపై దాడి చేస్తూ ప్రజలను భయాందోళనకు గురిచేస్తోంది.

చిరుత కోసం సీసీ కెమెరాలు:

చిరుతను పట్టుకోవడానికి అటవీ శాఖ అధికారులు పలు ప్రాంతాల్లో సీసీకెమెరాలు, బోన్లు ఏర్పాటు చేశారు. బోనులో చిక్కకుండా చాకచక్యంగా తప్పించుకుంటూ పశువులను చంపుతోంది. ఎప్పుడు ఏ గ్రామంపై దాడి చేస్తుందో తెలియక రైతులు రాత్రి సమయంలో పొలాలకు వెళ్లడానికి జంకుతున్నారు. సాధ్యమైనంత త్వరగా చిరుతపులిని పట్టుకొని తమ పశువులను కాపాడాలని స్థానిక ప్రజలు కోరుతున్నారు.

ఇవీ చూడండి:తెరాసకు చెందిన రైతులూ నామినేషన్​ వేస్తున్నారు