'లక్ష్యాన్ని చేరేవరకు కష్టపడుతూనే ఉండాలి'

లక్ష్యాన్ని చేరేవరకు కష్టపడుతూనే ఉండాలని చేవెళ్ల ఎంపీ రంజిత్​రెడ్డి విద్యార్థులకు సూచించారు. చదువుతోనే జీవితం ఆధారపడి ఉండని పేర్కొన్నారు.

మనిషి ఆర్థికంగా ఎదిగేందుకు విద్య ఎంతో ఉపయోగపడుతుందని చేవెళ్ల ఎంపీ రంజిత్​రెడ్డి అన్నారు. ఎన్ని అడ్డంకులు ఎదురైనా కష్టపడి చదువుకోవాలని విద్యార్థులకు సూచించారు. రంగారెడ్డి జిల్లా చేవెళ్లలో శ్రీచైతన్య జూనియర్​, డిగ్రీ కళాశాల ఫ్రెషర్స్​ పార్టీకి ముఖ్య అతిథిగా హాజరయ్యారు. ప్రస్తుతం విద్యార్థులకు అన్ని రంగాల్లో అవకాశాలున్నాయని చదువుపై దృష్టిపెట్టి ఉన్నత స్థానంలో నిలవాలని తెలిపారు. పేద విద్యార్థులకు నాణ్యమైన విద్యనందించేందుకు ముఖ్యమంత్రి కేసీఆర్ 600 గురుకుల పాఠశాలలను ప్రవేశ పెట్టారని వెల్లడించారు. ఈ కార్యక్రమంలో ఎమ్మెల్యే కాలె యాదయ్య, ప్రిన్సిపల్​ శేఖర్​ పాల్గొన్నారు.

• ఇదీ చూడండి : భార్య కోసం ట్యాంక్​పై నుంచి దూకిన భర్త