రంగారెడ్డి జిల్లా ఇబ్రహీంపట్నం మండలం రాయపోల్లో కారు బీభత్సం సృష్టించింది. మద్యం మత్తులో వాహనం నడిపిన యువకులు రోడ్డుపై ప్రయాణిస్తున్న వారిని భయబ్రాంతులకు గురిచేశారు. నగరంలోని కూకట్పల్లికి చెందిన సాయికుమార్, వినీత్రావ్ ఇబ్రహీంపట్నం మండలం ముక్కునూరు నుంచి ఇబ్రహీంపట్నానికి మద్యం సేవించి కారులో వెళ్తుండగా వాహనం అదుపుతప్పింది. వేగంగా నడుపుతూ గ్రామానికి చెందిన మేకల ఆగయ్య, ఎనిమిదో తరగతి చదువుతున్న విద్యార్థిని హైమావతిని ఢీకొట్టారు. ప్రమాదంలో గాయపడిన ఇద్దరినీ స్థానికులు ఇబ్రహీంపట్నంలోని ఆసుపత్రికి తరలించారు. ఆ యువకులకు దేహశుద్ధి చేసి పోలీసులకు అప్పగించారు. పోలీసులు కేసు నమోదు చేసుకుని దర్యాప్తు చేస్తున్నారు.
నడిరోడ్డుపై కారుతో బీభత్సం