జాతీయ రహదారిపై కారులో చెలరేగిన మంటలు

హయత్​నగర్​ బస్టాండ్​ వద్ద జాతీయ రహదారిపై మంటలు చెలరేగాయి. అగ్నిమాపక సిబ్బంది ఘటనాస్థలికి చేరుకుని మంటలను అదుపు చేశారు.

రంగారెడ్డి జిల్లా హయత్ నగర్ బస్టాండ్ వద్ద విజయవాడ జాతీయ రహదారిపై ఓ కారులో మంటలు చెలరేగాయి. ఎల్బీనగర్ నుంచి విజయవాడ రహదారి వైపు వెళ్తున్న జైలో కారులో ఒక్కసారిగా మంటలు చెలరేగడం వల్ల అప్రమత్తమైన డ్రైవర్​ వెంటనే కారులో నుంచి దిగిపోయాడు.

ఒక్కసారిగా మంటలు ఎగిసిపడడం వల్ల స్థానికులు అగ్నిమాపక సిబ్బందికి సమాచారం అందించారు. వారు ఘటనాస్థలికి చేరుకుని మంటలను అదుపులోకి తీసుకొచ్చారు. ఈ క్రమంలో విజయవాడ రహదారిపై కొద్దిసేపు ట్రాఫిక్​కు అంతరాయం ఏర్పడింది.

ఇదీ చదవండి: మద్యం మత్తులో వాహనాలను ఢీకొట్టిన యూట్యూబ్ ఫేం షణ్ముఖ్