'భాజపాకు మద్దతిచ్చిన ఆర్వోపై చర్యలు తీసుకోవాలి'

భాజపాకు ఏకపక్షంగా మద్దతు ఇచ్చిన ఆర్వోపై చర్యలు తీసుకోవాలని బీఎన్​రెడ్డినగర్​ తెరాస అభ్యర్థి ముద్దగౌని లక్ష్మీప్రసన్న డిమాండ్ చేశారు. 346 ఓట్లు లెక్కించకుండానే భాజపా అభ్యర్థి గెలిచినట్లు ప్రకటించారని ఆరోపించారు.

రంగారెడ్డి జిల్లా హయత్​నగర్​ సర్కిల్​-3లోని కౌంటింగ్ కేంద్రంలో విధులు నిర్వహించిన ఆర్వో శశిరేఖపై ఎన్నికల సంఘం చర్యలు తీసుకోవాలని బీఎన్​రెడ్డి నగర్​ తెరాస అభ్యర్థి ముద్దగౌని లక్ష్మీప్రసన్న డిమాండ్ చేశారు. శశిరేఖ భాజపాకు ఏకపక్ష మద్దతు ఇచ్చి తమకు అన్యాయం చేశారని ఆవేదన వ్యక్తం చేశారు.

బీఎన్​రెడ్డి డివిజన్​కు సంబంధించి రీపోలింగ్ చేసి ఆర్వోపై చర్యలు తీసుకోవాలని లక్ష్మీప్రసన్న ఈసీని కోరారు. 346 ఓట్లు లెక్కించకుండానే చివరి 15 నిమిషాల్లో భాజపా అభ్యర్థి గెలిచినట్లు ప్రకటించారని ఆరోపించారు. కాషాయ పార్టీ గెలుపును సవాల్ చేస్తూ ఈసీకి ఫిర్యాదు చేయనున్నట్లు తెలిపారు.

• ఇదీ చూడండి :బల్దియాలో భాజపా జోరు... 2023 లక్ష్యంగా కమలనాథుల పావులు