ఎల్ఆర్ఎస్​ను రద్దు చేయాలని భాజపా పాదయాత్ర

ఎల్ఆర్ఎస్ 131, 135 జీవోను రద్దు చేయాలని డిమాండ్​ చేస్తూ రంగారెడ్డి జిల్లా హయత్​నగర్​ డివిజన్​ భాజపా నేతలు భాగ్యలత కాలనీ నుంచి సుష్మా థియేటర్​ వరకు భారీ పాదయాత్ర చేపట్టారు. ఈ కార్యక్రమంలో ప్రజల వద్ద సంతకాల సేకరణను చేపట్టారు.

రంగారెడ్డి జిల్లా హయత్​నగర్​ డివిజన్​ భాజపా నేతలు భాగ్యలత కాలనీ నుంచి సుష్మా థియేటర్​ వరకు భారీ పాదయాత్ర నిర్వహించారు. యాత్రలో భాగంగా బీడీఎల్ కాలనీ, శారదా నగర్​, సుభద్రనగర్​, కమలానగర్​ ప్రాంతాల్లోని ప్రజల నుంచి ఎల్ఆర్ఎస్​ వ్యతిరేకిస్తున్నట్లు సంతకాల సేకరణను చేపట్టారు. కార్యక్రమానికి ముఖ్యఅతిథిగా జిల్లా అధ్యక్షుడు సామ రంగారెడ్డి హాజరయ్యారు.

పేద ప్రజలకు పెనుభారమైన ఎల్ఆర్ఎస్​ను రద్దు చేయాలని.. తెరాస ఆరేళ్ల పాలనలో ఇలాంటి హామీలు అమలు కాలేదని.. మాయమాటలు చెప్పి కేసీఆర్​ ప్రభుత్వం ప్రజలను మోసం చేస్తున్నారని సామ రంగారెడ్డి ఆరోపించారు. రాబోయే ఎన్నికల్లో భాజపాను గెలిపించి తెరాసకు ప్రజలు బుద్ధి చెప్తారని ఆయన విశ్వాసం వ్యక్తం చేశారు.

ఇదీ చదవండిఃసర్కారు ఖజానా నింపుకునేందుకే ఎల్‌ఆర్‌ఎస్‌: అఖిలపక్షం