విద్యార్థుల మృతిపట్ల ఉత్తమ్​ కుమార్​ రెడ్డి దిగ్భ్రాంతి

వేములవాడలో పాఠశాల విద్యార్థుల మృతిపట్ల టీపీసీసీ చీఫ్ ఉత్తమ్‌ కుమార్ రెడ్డి దిగ్భ్రాంతి వ్యక్తం చేశారు. గాయపడిన విద్యార్థులకు మెరుగైన వైద్య సదుపాయాలు అందించాలని ఉత్తమ్ కోరారు.

వేములవాడ ఆర్టీసీ బస్ డిపో సమీపంలో స్కూల్ వ్యాన్ బోల్తాపడిన ఘటనలో ముగ్గురు విద్యార్థులు మృతిచెందడం తనను కలచివేసిందని టీపీసీసీ అధ్యక్షుడు ఉత్తమ్​కుమార్​ రెడ్డి తెలిపారు. విద్యార్థులను అన్ని విధాలుగా ఆదుకోవాలని ఆయన సూచించారు. కాంగ్రెస్ నాయకులు సంఘటనా స్థలానికి వెళ్లి క్షతగాత్రులను ఆదుకోవాలని చెప్పారు. మృతుల కుటుంబాలకు తన ప్రగాఢ సంతాపం, సానుభూతిని ప్రకటించారు.

ఇవీ చూడండి:మద్యం మత్తులో డ్రైవర్..ముగ్గురు విద్యార్థులు మృతి