ఆకస్మికంగా ఎస్పీ తనిఖీ.. పలు వాహనదారులకు జరిమానా

సిరిసిల్ల పట్టణంలోని అంబేడ్కర్ చౌరస్తాలో జిల్లా ఎస్పీ రాహుల్ హెగ్డే లాక్​డౌన్ తీరును పరిశీలించారు. రోడ్లపై తిరుగుతున్న వాహనాలను తనిఖీ చేసి సంబంధింత పత్రాలు లేని వారికి జరిమానా విధించారు.

రాజన్న సిరిసిల్ల జిల్లా సిరిసిల్ల పట్టణంలోని అంబేడ్క్​ర్ విగ్రహం వద్ద జిల్లా ఎస్పీ రాహుల్ హెగ్డే ఆధ్వర్యంలో వాహనాల తనిఖీ నిర్వహించారు. కరోనా వైరస్ నేపథ్యంలో లాక్​డౌన్ పరిస్థితిని క్షేత్రస్థాయిలో పరిశీలించారు. వచ్చిపోయే వాహనాల పత్రాలను పరిశీలించారు.

అనవసరంగా బయటకు వచ్చిన వాహనాలకు జరిమానాలు విధించారు. నిబంధనలు అతిక్రమిస్తే కఠిన చర్యలు తీసుకుంచామని ఎస్పీ రాహుల్ హెగ్డే హెచ్చరించారు. ఈ కార్యక్రమంలో డీఎస్పీ చంద్రశేఖర్, సీఐ వెంకట నర్సయ్య, ఎస్సైలు, పోలీసు సిబ్బంది, తదితరులు పాల్గొన్నారు.

ఇదీ చూడండి :ఎస్​బీఐలో చోరికి యత్నం... మోగిన అలారం