సిరిసిల్లలో చైనా దిష్టిబొమ్మను దగ్ధం చేసిన భజరంగ్​దళ్​ నాయకులు

భారత్​-చైనా సరిహద్దులో ఇరు దేశాల సైన్యం మధ్య జరిగిన కాల్పుల్లో మరణించిన 20 మంది భారత సైనికులకు సిరిసిల్ల భజరంగ్​ దళ్​, వీహెచ్​పీ నాయకులు నివాళులు అర్పించారు. భారతదేశంలో చైనా వస్తువులు బహిష్కరించాలని, ప్రజలంతా చైనా వస్తువులు కొనొద్దని పిలుపునిచ్చారు.

రాజన్న సిరిసిల్లా జిల్లా కేంద్రంలో విశ్వహిందూ పరిషత్​, భజరంగ్​ దళ్​ ఆధ్వర్యంలో చైనా అధ్యక్షుడి దిష్టిబొమ్మ దహనం చేశారు. భారత్​-చైనా సరిహద్దులో చైనా సైనికుల దురాగతానికి బలైన భారత సైనికులకు నివాళులు అర్పించారు. చైనాకు తగిన మూల్యం చెల్లించేందుకు దేశవ్యాప్తంగా చైనా వస్తువులు బహిష్కరించాలని, ప్రజలెవరూ చైనా వస్తువులు కొనొద్దంటూ పిలుపునిచ్చారు.

తెలంగాణకు చెందిన కర్నల్​ సంతోష్​ బాబుకు నివాళులు అర్పిస్తూ దేశం కోసం ప్రాణాలర్పించిన సైనికుల కుటుంబాలకు అండగా ఉంటామన్నారు. చైనాకు తగిన బుద్ధి చెప్పేలా, భారత్​ సత్తాను ప్రపంచానికి తెలిసేలా కేంద్ర ప్రభుత్వం నిర్ణయం తీసుకుంటుందని ఆశాభావం వ్యక్తం చేశారు.

ఇవీ చూడండి: హరితహారం కార్యక్రమంలో పాల్గొన్న మంత్రి ఈటల