VEMULAWADA TEMPLE: వేములవాడలో కన్నుల పండువగా శివపార్వతుల కల్యాణం

VEMULAWADA TEMPLE: మేళతాళాలు, వేదమంత్రోచ్ఛరణలు, శివనామస్మరణ మధ్య వేములవాడ రాజరాజేశ్వరుల కల్యాణ మహోత్సవం వైభవంగా జరిగింది. భక్తులు శివపార్వతుల కల్యాణాన్ని కనులారా తిలకించి పరవశించిపోయారు. భక్తులకు ఎలాంటి అసౌకర్యం కలగకుండా అధికారులు అన్ని ఏర్పాట్లు చేశారు.

VEMULAWADA TEMPLE: రాష్ట్రంలోనే ప్రసిద్ధి గాంచిన వేములవాడ శ్రీ రాజరాజేశ్వర స్వామి ఆలయంలో శ్రీ పార్వతి రాజరాజేశ్వర స్వామి దివ్య కల్యాణం అంగరంగా వైభవంగా కన్నుల పండువగా జరిగింది.

పట్టువస్త్రాలు తీసుకొస్తున్న అధికారులు

వరుడు శ్రీ రాజరాజేశ్వర స్వామి, వధువు పార్వతి దేవి అమ్మవారిని మేళతాళాలలో కళ్యాణ వేదిక వద్దకు తీసుకొచ్చారు. అభిజిత్ లగ్న మూహుర్తమున ఉదయం 10 ‌‌.56 నిమిషాల నుంచి 12.50 నిమిషాల వరకు వేద మంత్రోచ్చారణల మధ్య శ్రీ స్వామి వారి కల్యాణం ఘనంగా నిర్వహించారు.

కల్యాణం తిలకించేందుకు తరలివచ్చిన భక్తజనం

ఈ వేడుకకు ఆలయ ఈవో రమాదేవి, మున్సిపల్ ఛైర్​పర్సన్ రామతీర్థపు మాధవి దంపతులు పట్టువస్త్రాలు సమర్పించారు. కల్యాణం చూసేందుకు భారీగా తరలివచ్చిన భక్తులతో ఆలయ పరిసరాలు కిటకిటలాడాయి. భక్తులకు ఎలాంటి ఇబ్బందులు కలగకుండా అధికారులు అన్ని ఏర్పాట్లు చేశారు.

ఇదీ చదవండి:Yadadri Temple News : యాదాద్రిలో అద్భుతఘట్టానికి అంకురార్పణ