డేగ కళ్లతో.. నిరంతరం మహిళల రక్షణ కోసమే..

సిరిసిల్ల పట్టణంలోని వివిధ కూడళ్ల వద్ద షీటీమ్ బృందం అవగాహన కార్యక్రమం నిర్వహించింది. నిరంతరం మహిళల రక్షణ కోసమే పనిచేస్తున్న షీటీమ్స్​ను సద్వినియోగం చేసుకోవాలని.. ఆపదలో ఉన్నపుడు ఆలస్యం చేయొద్దని రాజన్న సిరిసిల్ల జిల్లా షీటీమ్ ఇంఛార్జ్ మహేశ్​ గౌడ్ సూచించారు.

షీటీమ్స్ నిరంతరం డేగ కళ్లతో మహిళల రక్షణ కోసం పని చేస్తున్నాయని.. వీటిని అందరూ సద్వినియోగం చేసుకోవాలని రాజన్న సిరిసిల్ల జిల్లా షీటీమ్ ఇంఛార్జ్ మహేశ్​ గౌడ్ అన్నారు. జిల్లా ఎస్పీ ఆదేశాల మేరకు జిల్లా షీటీమ్ బృందం ఆధ్వర్యంలో సిరిసిల్ల పట్టణంలోని వివిధ కూడళ్ల వద్ద అవగాహన కార్యక్రమం నిర్వహించారు. ఈ సందర్భంగా షీటీమ్ పనిచేసే విధానం, మహిళలకు షీటీమ్ ద్వారా కలిగే ఉపయోగాలను ఆయన వివరించారు.

మహిళల మీద జరుగుతున్న దాడులను వివరించి.. వాటినుంచి ఎలా కాపాడుకోవాలనే అవగాహనను మహేశ్​ గౌడ్ కల్పించారు. ఆపదలో ఉన్నపుడు ఆలస్యం చేయకుండా 100 నంబర్​కు డయల్ చేయాలని సూచించారు. రాజన్న సిరిసిల్ల షీ-టీమ్ నెంబర్ 7901132141 ను మహిళలు సద్వినియోగం చేసుకోవాలన్నారు.

ఇదీ చూడండి:పెళ్లైన 15 రోజులకే ఆత్మహత్యాయత్నం... వరుడు మృతి