'హరిత సవాల్​తో భవిష్యత్​ తరాలకు కాలుష్యరహిత పర్యావరణం'

భవిష్యత్​ తరాలకు కాలుష్య రహిత వాతావరణాన్ని అందించడానికి గ్రీన్​ ఇండియా ఛాలెంజ్​ ఉపయోగపడుతుందని రాజన్న సిరిసిల్ల జిల్లా ఎస్పీ రాహుల్ హెగ్డే అన్నారు. సిరిసిల్లలోని తన క్యాంపు కార్యాలయంలో మూడు మొక్కలు నాటారు.

రాజ్యసభ్య సభ్యుడు సంతోశ్ కుమార్ ప్రారంభించిన గ్రీన్ ఇండియా ఛాలెంజ్​ను స్వీకరించిన.. రాజన్న సిరిసిల్ల జిల్లా ఎస్పీ రాహుల్ హెగ్డే తన క్యాంపు కార్యాలయంలో మూడు మొక్కలు నాటారు. అనంతరం కలెక్టర్ కృష్ణభాస్కర్, నిజామాబాద్​ సీపీ కార్తికేయ, కామారెడ్డి ఎస్పీ శ్వేతలకు హరిత సవాల్ విసిరారు.

ముఖ్యమంత్రి కేసీఆర్ ప్రవేశపెట్టిన హరితహారం, ఎంపీ సంతోశ్ కుమార్ ప్రారంభించిన హరితసవాల్ కార్యక్రమాల ద్వారా తెలంగాణ పచ్చతోరణంగా మారుతోందని ఎస్పీ రాహుల్ అన్నారు. ఈ కార్యక్రమాల్లో పాల్గొని మొక్కలు నాటడం ద్వారా భవిష్యత్​ తరాలకు కాలుష్యరహిత పర్యావరణాన్ని అందించిన వారమవుతామని తెలిపారు. హరితసవాల్​ ద్వారా జిల్లాలోని పోలీసు కార్యాలయాల్లో విస్తృతంగా మొక్కలు నాటుతున్నామని చెప్పారు.