'అందరికీ ఓటు హక్కు కల్పించిన మహనీయుడు అంబేడ్కర్'

రాజన్న సిరిసిల్ల జిల్లాలో ప్రణాళికా సంఘం ఉపాధ్యక్షుడు వినోద్ కుమార్​ పర్యటించారు. పట్టణంలో జరిగిన అంబేడ్కర్ జయంతి వేడుకల్లో ఆయన పాల్గొన్నారు. బాబా సాహెబ్ విగ్రహానికి పూలమాలలు వేసి నివాళులు అర్పించారు.

రాజ్యాంగ నిర్మాతను స్ఫూర్తిగా తీసుకుని యువత ముందుకు సాగాలని ప్రణాళికా సంఘం ఉపాధ్యక్షుడు వినోద్ కుమార్ కోరారు. బీఆర్ అంబేడ్కర్​ ఆశయ సాధన కోసం ప్రతి ఒక్కరూ కృషి చేయాలన్నారు. సిరిసిల్ల పట్టణంలో జరిగిన అంబేడ్కర్ జయంతి వేడుకల్లో.. ఎమ్మెల్యే రవిశంకర్​తో కలిసి ఆయన పాల్గొన్నారు. బాబా సాహెబ్ విగ్రహానికి పూలమాలలు వేసి నివాళులు అర్పించారు.

స్వేచ్ఛ, సమానత్వం, భాగస్వామ్యం అనే పునాదుల మీద రాజ్యాంగానికి రూపకల్పన చేసిన గొప్ప వ్యక్తి అంబేడ్కర్​ అంటూ వినోద్​ కొనియాడారు. అమెరికా రాజ్యాంగాన్ని క్షుణ్నంగా పరిశీలించి.. అక్కడి మహిళలకు, నల్ల జాతీయులకు ఓటు హక్కు లేదని గుర్తించిన అంబేడ్కర్​.. దేశంలో ప్రతి ఒక్కరికీ ఓటు హక్కు కల్పించారని వివరించారు. అందరూ.. మహనీయుడి​ ఆశయాలకు అనుగుణంగా నడుచుకోవాలని సూచించారు.

ఇదీ చదవండి:ఆలివ్ రిడ్లే తాబేలు పిల్లలు సముద్రంలోకి విడుదల