రాజన్న ఆలయంలో భక్తుల దర్శనాలకు అనుమతి రద్దు

కరోనా వైరస్​ విజృంణ నేపథ్యంలో ప్రముఖ పుణ్యక్షేత్రమైన వేములవాడ రాజరాజేశ్వర ఆలయంలోకి భక్తులకు అనుమతి లేదని అధికారులు తెలిపారు. ఐదురోజుల పాటు అన్ని రకాల పూజలు రద్దు చేస్తున్నట్లు వెల్లడించారు.

రాష్ట్రంలో కరోనా వ్యాప్తి నివారణలో భాగంగా రాజన్న సిరిసిల్ల జిల్లాలోని ప్రముఖ పుణ్యక్షేత్రం వేములవాడ రాజరాజేశ్వర ఆలయంలోకి భక్తులకు అనుమతి లేదని ఆలయ అధికారులు వెల్లడించారు. దేవాలయంలో ఈ నెల 18 నుంచి 22 వరకు... ఐదు రోజుల పాటు భక్తుల దర్శనం, కోడె మొక్కులు, ఇతర అన్ని రకాల మొక్కుబడి పూజలు రద్దు చేస్తున్నట్లు తెలిపారు.

ఈ నెల 21న రాజన్న సన్నిధిలో జరగనున్న సీతారాముల కళ్యాణం, స్వామివారి నిత్య పూజలు, రథోత్సవం రద్దు చేస్తున్నట్లు ఆలయ అధికారి హరికిషన్ పేర్కొన్నారు.

ఇదీ చదవండి: బీ అలర్ట్: రేపు, ఎల్లుండి గరిష్ఠ ఉష్ణోగ్రతలు