వేములవాడలో పొన్నం ప్రభాకర్ గృహ నిర్బంధం

జగిత్యాల జిల్లా కథలాపూర్​ మండలం కలికోట సూరమ్మ జలాశయం సందర్శనకు వెళ్తున్న పీసీసీ కార్యనిర్వాహక అధ్యక్షుడు పొన్న ప్రభాకర్​ను పోలీసులు అడ్డుకొని గృహ నిర్బంధం చేశారు.

రాజన్న సిరిసిల్ల జిల్లా వేములవాడలో పీసీసీ కార్యనిర్వాహక అధ్యక్షుడు పొన్నం ప్రభాకర్​ను పోలీసులు గృహ నిర్బంధం చేశారు. జగిత్యాల జిల్లా కథలాపూర్​ మండలం కలికోట సూరమ్మ జలాశయం సందర్శనకు వెళ్తుండగా... పొన్న ప్రభాకర్, సీనియర్ నాయకుడు ఆది శ్రీనివాస్​ను అడ్డుకొని మాజీ కౌన్సిలర్​ మధు ఇంట్లో బంధించారు.

సూరమ్మ జలాశయం సందర్శన కార్యక్రమం చేపడతామని కాంగ్రెస్ నాయకులు గతంలోనే ప్రకటించారు. ఈ నేపథ్యంలో తెల్లవారుజామున వెళ్తుండగా... అడ్డుకొని అదుపులోకి తీసుకున్నారు. తాము శాంతియుతంగా జలాశయం సందర్శనకు వెళ్తున్నందున... అనుమతి ఇవ్వాలని పొన్నం ప్రభాకర్ కోరారు.

ఇదీ చూడండి:తెలంగాణకు కొత్తగా కేటాయించేది మూడు రైళ్లేనా ?