సిరిసిల్ల టెక్స్​టైల్​ పార్క్​కు కొత్త కళ

సిరిసిల్ల టెక్స్​​టైల్ పార్క్​ ఆధునిక హంగులతో కళకళలాడుతోంది. 13.47 కోట్ల రూపాయలతో పదేళ్ల క్రితం మొదలైన మౌలిక వసతులు, అభివృద్ధి పనులు ఎట్టకేలకు పూర్తయ్యాయి. త్వరలో మంత్రి కేటీఆర్​ చేతుల మీదుగా ఈ కార్యక్రమాలు ప్రారంభించనున్నారు.

రాజన్నసిరిసిల్ల జిల్లా తంగళ్లపల్లి మండలం బద్దెనపల్లి టెక్స్​టైల్​ పార్క్​లో మౌలిక వసతులు కల్పించాలని యజమానులు, కార్మికులు దశాబ్దకాలంగా ప్రభుత్వం, అధికారుల దృష్టికి తీసుకెళ్లారు. ఈ విషయాన్ని మంత్రి కేటీఆర్​ దృష్టికి తీసుకెళ్లగా వెంటనే స్పందించి 13.47 కోట్ల నిధులను మంజూరు చేశారు.

వాటితో టెక్స్​టైల్​ పార్కులో పరిపాలనా భవనంతో పాటు కార్మికుల కోసం ఆధునాతన హంగులతో క్యాంటిన్​ నిర్మాణ పనులు పూర్తయ్యాయి. క్యాంటీన్​లో ఒకేసారి మూడు వందల మంది కార్మికులు భోజనం చేసే విధంగా ఏర్పాట్లు చేశారు. ఈ అభివృద్ధి పనులను త్వరలో మంత్రి కేటీఆర్ ప్రారంభించనున్నట్లు అధికారులు, వస్త్ర వ్యాపారులు తెలిపారు.

ఇవీ చూడండి : నేడే జీఎస్టీ మండలి 38వ సమావేశం.. అంచనాలు ఇవే!