రాజకీయంగా జన్మనిచ్చి- విదేశాల్లో గుర్తింపునిచ్చింది సిరిసిల్ల ప్రజలే : కేటీఆర్

Minister KTR filed Nomination in Sirscilla : అభివృద్ధే నా కులం.. సంక్షేమమే మా మతం అనే కేసీఆర్‌ను గెలిపిద్దామా లేదా కులపిచ్చి, మతపిచ్చోలుగా ఉన్న ప్రతిపక్షాలు ఉచ్చులో పడదామా..? అని మంత్రి కేటీఆర్ అన్నారు. ఇవాళ సిరిసిల్లలో మంత్రి కేటీఆర్ నామినేషన్​ దాఖలు చేశారు. కేసీఆర్​ పాలనలో కలలో కూడా ఉహించని విధంగా తెలంగాణ అన్ని రంగాల్లో అభివృద్ధి సాధించిందన్నారు.

Minister KTR filed Nomination in Sirscilla :కరెంటు కావాలా.. కాంగ్రెస్ కావాలా? కేసీఆర్(CM KCR) ఇచ్చే సంక్షేమ పథకాలు కావాలా.. కాంగ్రెస్ చేసే స్కాములు కావాలా.. అని మంత్రి కేటీఆర్(Minister KTR) ప్రజలను అడిగారు. రాజన్న సిరిసిల్ల జిల్లా సిరిసిల్ల నియోజకవర్గ అసెంబ్లీ స్థానానికి.. బీఆర్​ఎస్​ అభ్యర్థిగా మంత్రి కేటీఆర్​ ఇవాళ నామినేషన్ దాఖలు చేశారు. అనంతరం బీఆర్​ఎస్​ పార్టీ కార్యాలయంలో ఏర్పాటు చేసిన సమావేశంలో ఆయన మాట్లాడుతూ.. సీఎం కేసీఆర్ ఆశీర్వాదంతో సిరిసిల్ల నియోజకవర్గ ఎమ్మెల్యే అభ్యర్థిగా అయిదోసారి నామినేషన్ దాఖలు చేశానన్నారు.

Telangana Assembly Elections 2023 :రాజకీయంగా తనకు జన్మనిచ్చి, విదేశాల్లో గుర్తింపునిచ్చింది.. సిరిసిల్ల నియోజకవర్గ ప్రజలేనని మంత్రి కేటీఆర్ పేర్కొన్నారు. సిరిసిల్ల నియోజకవర్గ ప్రజా ప్రతినిధిగా చెప్పుకోవడానికి గర్వపడుతున్నానన్నారు. గడిచిన 15 ఏండ్లుగా అవినీతి రహితంగా పనిచేసి.. సిరిసిల్ల ముఖ చిత్రం మార్చుకున్నామన్నారు. బీఆర్​ఎస్​ అభ్యర్థుల గెలుపు కోసం తిరుగుతున్నాని.. తనను సిరిసిల్ల ఎమ్మెల్యేగా గౌరవప్రదమైన మెజార్టీతో గెలిపిస్తారని ఆశిస్తున్నానన్నారు.

KTR fires on Congress in sirscilla :సిరిసిల్లలో తాను చేసిన అభివృద్ధికి సంబంధించిన ప్రగతి నివేదకను ఇంటింటికి పంపిస్తున్నానని మంత్రి కేటీఆర్ పేర్కొన్నారు. ఈ ఎన్నికలు రాష్ట్ర ప్రజల తలరాతను మార్చే ఎన్నికలని.. 55 ఏండ్లు అధికారం ఇచ్చిన ఏమీ చేయని కాంగ్రెస్​కు ఓటు వేస్తారా.. సంక్షేమం అభివృద్ధి చేసిన తనను గెలిపిస్తారా? ఒక్కసారి ఆలోచించాలని ప్రజలను కోరారు.

తెలంగాణ రాష్ట్రంలో ఉద్యమనేత కేసీఆర్ గొంతుకను అణచివేయాలని రాహుల్ గాంధీ, మోదీలు(PM Modi) కుట్రలు పన్నుతున్నారన్నారు. దిల్లీ నుంచి వచ్చిన వాళ్ల ప్రలోభాలకు లొంగిపోతే తెలంగాణ ప్రజల బతుకులు ఆగమవుతాయన్నారు. గత తొమ్మిదిన్నర సంవత్సరాలుగా కులమనే కుంపట్లు లేవని, మతం అనే మంట లేపలేదని కేటీఆర్​ అన్నారు.

అభివృద్ధే నా కులం, సంక్షేమమే నా మతమని.. సబ్బండ వర్గాలకు సార్వజనీన పథకాలు తీసుకొచ్చి అభివృద్ధికి గీటురాయిగా కేసీఆర్ పనిచేశారన్నారు. బీఆర్​ఎస్​ను మళ్లీ గెలిపించుకుని తెలంగాణ ప్రగతి ప్రస్థానాన్ని కొనసాగించాలని ఆయన ప్రజలను కోరారు. సిరిసిల్ల ప్రజలు చైతన్యవంతమైన వారని, ఇక్కడి ప్రజల కోసం పనిచేసిన తనను మళ్లీ భారీ మెజార్టీతో గెలిపిస్తారని ధీమా వ్యక్తం చేశారు.

"అభివృద్ధే నా కులం, సంక్షేమమే నా మతమని.. సబ్బండ వర్గాలకు సార్వజనీన పథకాలు తీసుకొచ్చి అభివృద్ధికి గీటురాయిగా కేసీఆర్ పనిచేశారు. బీఆర్​ఎస్​ను మళ్లీ గెలిపించుకుని తెలంగాణ ప్రగతి ప్రస్థానాన్ని కొనసాగించాలి. నారు రాజకీయంగా జన్మనిచ్చి, విదేశాల్లో గుర్తింపునిచ్చింది.. సిరిసిల్ల నియోజకవర్గ ప్రజలే. ఇక్కడి నుంచి ఎమ్మెల్యేగా గౌరవప్రదమైన మెజార్టీతో గెలిపిస్తారని భావిస్తున్నాను". - కేటీఆర్, మంత్రి