పెళ్లిలో మొక్కను బహుమతిగా ఇచ్చిన మంత్రి

రాజన్న సిరిసిల్ల జిల్లాలో ఓ వివాహానికి హాజరైన మంత్రి హరీశ్​ రావు... వధూవరులకు వినూత్నంగా మొక్కలను బహుమతిగా అందించారు.

రాజన్న సిరిసిల్ల జిల్లా ముస్తాబాద్ మండల కేంద్రంలో జరిగిన ఓ వివాహానికి మంత్రి హరీశ్​రావు హాజరయ్యారు. సిద్దిపేట జిల్లా నారాయణపేట మండలం మల్యాల సర్పంచి వజ్రవ్వ కుమారుడు పరమేశ్వర్​కు, మద్దికుంటకు చెందిన వర్షతో వివాహం జరిగింది. మంత్రి నూతన వధూవరులను ఆశీర్వదించి మొక్కలను బహుమతిగా అందించారు.

అనంతరం గ్రామ పంచాయతీ కార్యాలయాన్ని హరీశ్​రావు సందర్శించారు. మండల ప్రజా ప్రతినిధులతో కాసేపు ముచ్చటించారు. ముస్తాబాద్ మండలం అన్ని రంగాల్లో అభివృద్ధి చెందుతుందన్నారు. గోదావరి జలాలు వస్తే బీడు భూములు సస్యశ్యామలం అవుతాయని మంత్రి పేర్కొన్నారు.

ఇవీ చూడండి:దానం చేస్తే 25లక్షలు అన్నారు.. అందినకాడికి దోచేశారు!