తిండి లేకే తిరిగి వెళ్తున్నాం!

ఇసుక బట్టీల్లో పనిచేసే వలస కూలీలు.. లాక్​డౌన్​తో ఉపాధి లేక ఊరి బాట పట్టారు.​ రవాణా సదుపాయం లేక కాలినడకనే స్వస్థలాలకు బయలుదేరారు.

రాజన్న సిరిసిల్ల జిల్లా ముస్తాబాద్ మండలంలో ఇసుక బట్టీల్లో పని చేసే వలస కార్మికులు రెండ్రోజుల క్రితం ఒడిశాకు పయనమయ్యారు. కాలినడకన ఊరి బాట పట్టిన వీరికి ఎల్లారెడ్డిపేట మండలం వెంకటాపూర్​లో గ్రామ సర్పంచ్​ భోజన వసతి కల్పించారు.

రెండ్రోజుల పాటు అక్కడే బస చేసిన కూలీలు తిరిగి స్వస్థలాలకు పయనమయ్యారు. సిరిసిల్ల పరిధిలోని పెద్దూరు పెట్రోల్​ బంక్​ వద్దకు చేరుకోగానే విషయం తెలుసుకున్న సిరిసిల్ల డీఎస్పీ చంద్రశేఖర్​ వారికి భోజన సౌకర్యం కల్పించారు. రాత్రి అక్కడే బస చేసేలా ఏర్పాట్లు చేశారు.

ఇసుక బట్టీల యజమానులు తమకు భోజన వసతి కల్పించకపోవడం వల్లే సొంతూళ్లకు బయలుదేరుతున్నామని కూలీలు వాపోయారు.