'చెన్నమనేని కేసులో కౌంటర్​ దాఖలుకు వారం గడువు కావాలి'

వేములవాడ ఎమ్మెల్యే చెన్నమనేని రమేశ్​ పౌరసత్వ వివాదం కేసుపై హైకోర్టులో విచారణ జరిగింది. ఈ కేసులో కౌంటర్​ దాఖలు చేసేందుకు వారం రోజులు గడువు ఇవ్వాలని ధర్మాసనాన్ని సర్కారు కోరింది.

రాజన్న సిరిసిల్ల జిల్లా వేములవాడ శాసనసభ్యుడు చెన్నమనేని రమేశ్​ పౌరసత్వ వివాదం కేసులో కౌంటర్ దాఖలుకు వారం రోజులు గడువు ఇవ్వాలని హైకోర్టును రాష్ట్ర ప్రభుత్వం కోరింది. తన పౌరసత్వాన్ని కేంద్ర ప్రభుత్వం రద్దు చేయడాన్ని సవాల్ చేస్తూ... చెన్నమనేని రమేశ్​ దాఖలు చేసిన పిటిషన్​పై హైకోర్టులో విచారణ జరిగింది.

కౌంటరు దాఖలుకు రాష్ట్ర ప్రభుత్వం గడువు కోరగా... అంగీకరించిన ఉన్నత న్యాయస్థానం విచారణ ఈ నెల 18కి వాయిదా వేసింది. కేసు విచారణ వీడియో కాన్ఫరెన్స్ ద్వారా కాకుండా ప్రత్యక్ష విచారణ జరపాలని హైకోర్టు నిర్ణయించింది.

ఇదీ చూడండి:40 ఏళ్ల వివాహ బంధం.. మిగిల్చింది విషాదం.!