కలెక్టరేట్‌ ముందు ఓ మహిళ ఆత్మహత్య యత్నం

రాజన్న సిరిసిల్ల కలెక్టరేట్‌ ముందు ఓ మహిళ ఆత్మహత్యకు ప్రయత్నించింది. తన వ్యవసాయ క్షేత్రంలో బోరు వేస్తుండగా సర్పంచ్ అడ్డుకొని ఇబ్బందులు పెడుతున్నాడని ఆవేదన వ్యక్తం చేసింది.

రాజన్న సిరిసిల్ల కలెక్టరేట్‌ ముందు ఓ మహిళ ఆత్మహత్యకు యత్నించడం కలకలం రేపింది. తన వ్యవసాయ భూమిలో బోరు వేస్తుండగా సర్పంచ్ అడ్డుకొని ఇబ్బందులు పెడుతున్నాడని.. ఇల్లంతకుంట మండలం ఓబులాపూర్ గ్రామానికి చెందిన గుండా లావణ్య ఆందోళన చేసింది.

సర్పంచ్​పై చర్యలు తీసుకొని న్యాయం చేయాలంటూ... పురుగుల మందు తాగేందుకు ప్రయత్నించగా పోలీసులు డబ్బాను లాగేశారు. బాధితురాలిని అదనపు కలెక్టర్‌ వద్దకు తీసుకెళ్లారు. బాధితురాలితో మాట్లాడిన అడిషనల్ కలెక్టర్ అంజయ్య విచారణ జరిపి చర్యలు తీసుకుంటానని హామీ ఇచ్చారు.

ఇదీ చదవండి:రూ.60 లక్షల వాచ్​ ధ్వంసం.. కస్టమ్స్​ అధికారులపై కేసు